You are here
Home > அர்ச்சகர் பயிற்சி > Tamizh Archakar Training – தமிழ் அர்ச்சகர் படிப்பு – மாணவர் சேர்க்கை அறிவிப்பு

Tamizh Archakar Training – தமிழ் அர்ச்சகர் படிப்பு – மாணவர் சேர்க்கை அறிவிப்பு

விண்ணப்பங்கள் வரவேற்கப்படுகின்றன

விண்ணப்பப் படிவம் – இங்கே பதிவிறக்கம் செய்க. Click here to Download Application Form

 

தமிழ் அர்ச்சகர் பயிற்சி வகுப்பு – 10ஆம் குழாம் மாணவர் சேர்க்கை

வணக்கம்!

பாடல் பெற்ற தமிழகக் கோயில்கள் அனைத்தும் தமிழிலேயே பாடல் பெற்றவை. ஒன்று கூட வடமொழியில் பாடல் பெறவில்லை. ஆனால் கோயிலுக்குள்ளே வேற்று மொழி வழிபாடு! இந்த நிலை மாற தமிழ் வழிபாட்டுப் பயிற்சி பெற வேண்டுமா? நமது கோயில்களில் நற்றமிழ் வழிபாடு நடைபெற வேண்டுமா?

டாக்டர் பட்டம் பெற்ற செந்தமிழ் வேள்விச் சதுரர் மு.பெ.சத்தியவேல் முருகனாரின் தெய்வத்தமிழ் அறக்கட்டளையும் SRM பல்கலைக் கழகத் தமிழ்ப் பேராயமும் இணைந்து நடத்தும் தமிழ் அருட்சுனைஞர் ஓராண்டு சான்றிதழ்ப் படிப்பின் 10ஆம் ஆண்டு மாணவர் சேர்க்கை நடந்து கொண்டிருக்கிறது.

பிறப்பு முதல் இறப்பு வரை, திருமணம், புதுமனை புகுவிழா உள்ளிட்ட வாழ்வியல் சடங்குகள், கோயில் குடமுழுக்கு மற்றும் நாட்பூசனைகள் ஆகியவை அடங்கிய 8 தனிப் பாடங்கள் தமிழாகமத்தின் வழி இரு பருவங்களாக (Semester) பயிற்றுவிக்கப்படும். ஒவ்வொன்றிலும் தேர்வு நடத்தி இறுதியில் SRM பல்கலைக் கழகத்தால் சான்றிதழ் வழங்கப்படும்.

சேர்க்கைக்குத் தேவையானவை:-

  • கல்வித் தகுதி 8 ஆம் வகுப்புத் தேர்ச்சி மற்றும் தமிழில் ஆர்வம்; வயது வரம்பில்லை.
  • கல்விச் சான்றிதழ் மின்நகல் (அதில் பிறந்த தேதி இருக்க வேண்டியது அவசியம். எ.கா: மாற்றுச்சான்றிதழ், மதிப்பெண் சான்றிதழ்)
  • ஆதார் கார்டு மின்நகல்
  • இரண்டு பாஸ்போர்ட் அளவு புகைப்படங்கள்,
  • கல்விக் கட்டணம் (ஆண்டு முழுமைக்கும்) ரூ.4,500/- (ரூபாய் நான்காயிரத்து ஐநூறு மட்டும்) “தெய்வத்தமிழ்அறக்கட்டளை” வங்கிக் கணக்கில் செலுத்தவும். செலுத்திய ஆவண நகலையும் விண்ணப்பப் படிவத்துடன்இணைக்கவும்.
  • ரூ.4500 /- பணம்செலுத்தவேண்டியவங்கிக்கணக்கு:-
    Theivathamizh Arakkattalai, Axis Bank, K.K.Nagar, Chennai 600078,
    Current A/c Number: 920020070863551, IFSC code UTIB0001224
  • பூர்த்திசெய்யப்பட்ட விண்ணப்பங்கள் அனுப்ப வேண்டிய முகவரி:-
    மா.கருப்புசாமி, செயலாளர் – தெய்வத்தமிழ் அறக்கட்டளை, 9/1, மாஞ்சோலை முதல் தெரு, கலைமகள் நகர், ஈக்காட்டு தாங்கல், சென்னை – 600 032, தமிழ்நாடு. செல்பேசி: 95000 45865.
  • பூர்த்தி செய்யப்பட்ட விண்ணப்பங்களை தபால்/ கூரியர் மூலம் மட்டுமே அனுப்ப வேண்டும். நேரில் வந்து தரக்கூடாது.
  • 10-ஆம் ஆண்டு சான்றிதழ் வகுப்பு ஆகஸ்டு 2021 முதல் வாரத்தில் தொடங்குவதாக திட்டமிடப்பட்டுள்ளது. மாற்றம் இருப்பின் தெரிவிக்கப்படும். கொரோனா பேரிடர் காரணமாக அரசாங்கம் அறிவிக்கும் வழிகாட்டுதலின்படி வகுப்புகள் நேரடியாகவோ அல்லது ZOOM வாயிலாகவோ நடத்தப்படும்.

அ) நேரடியாக பயிற்றுவிக்கும் இடம்: SRM பல்கலைக்கழகம், வடபழனி வளாகம், ஜவஹர்லால் நேரு சாலை, வடபழனி, சென்னை-26.

ஆ) ZOOM செயலி மூலம் வகுப்புகள் நடத்தப்படும்போது, அதற்கு உரிய ‘லிங்க்’ உங்களுக்கு அனுப்பி வைக்கப்படும். உரியவர்களின் துணையுடன் நீங்கள் வகுப்பில் கலந்துகொண்டு பயிற்சி பெறலாம்.

  • விண்ணப்பப் படிவங்களை தெய்வத்தமிழ் அறக்கட்டளை இணையங்களிலிருந்து (www.dheivamurasu.org, www.archakar.com ) பதிவிறக்கம் செய்து கொள்ளலாம். விண்ணப்பங்கள் அலுவலகத்தில் வழங்கப்பட மாட்டாது.
  • விண்ணப்பங்கள் வந்து சேர வேண்டிய கடைசிநாள் : 31 – ஜூலை – 2021

ஏற்கெனவே பலநூறு மாணவர்கள் சான்றிதழ் பெற்று செந்தமிழ் ஆகம அந்தணர்களாக இல்லச் சடங்குகளிலும், கோயில் பூசைகளிலும் களம் கண்டு வருகிறார்கள்.

கோயில்களில் தமிழே கொலுவிருக்க,
வாழ்வியல் சடங்குகளில் வண்டமிழே வழிகாட்ட
அரிதில் அமைந்துள்ள அருந்தமிழ் வாய்ப்பு!
இப்பயிற்சியைப் பயன் கொள்ள விரையுங்கள்!

தொடர்புக்கு…
மா.கருப்புசாமி,
செயலாளர்,
தெய்வத்தமிழ்அறக்கட்டளை,
9/1, மாஞ்சோலைதெரு,
கலைமகள்நகர்,
ஈக்காட்டுத்தாங்கல்,
சென்னை – 600032.
Email: [email protected]
செல்பேசி: 9500045865.

(பின்குறிப்பு: மாணவர்கள் இந்தத் தகவலை, எந்த ஒரு மாற்றமும் செய்யாமல், தங்களுக்குத் தொடர்புள்ள மற்ற வாட்ஸாப் குழுக்களிலோ அல்லது மற்றைய சமூக ஊடகங்களிலோ பதிவேற்றம் செய்யலாம்)

 

Top